सुन्दरताको छेऊछाऊ


काममा पुर्‍याउने गाडीमा चढ्न लाम लागेको थिएँ, मैले देखें केही अघिल्तिर एउटी युवती छे, र मेरा पछि अरु दुई अधबैसें स्त्री। कानेखुसी गरेझैं लागेकोथियो उतिबेला र भ्रम ठानेको थिएँ। 

त्यो  NSW State Transit Authority  को साझा बस् गुडेको केही बेरमा त्यो अघिल्तिरकी युवतीले मुहारमा लाली, आदि लगाउन थाली। 
अरु दुई अधबैसें स्त्रीहरु, जो छेवैमा थिए, मध्ये एउटीले वरपर सुनिनेगरि नै बोली, "She trying to hide her ugliness " 
तर ऊ सुनेरपनि नसुनेझैं मज्जाले झन् सुन्दर बनिंदै थिइ। मलाई भने औडाहा भयो, मन भकान्निएर आयो। 

जुन अनुहार सामान्यजनलाई रुच्दैन त्यसलाई मान्छेहरुले कुरुप भनिदिन्छन्, "Ugly " भनिदिन्छन्। तर त्यसो भन्ने मान्छेको मनलाई के भन्ने? मलाई मेरो ईश्वरले अझै सिकाएको छैन। 
त्यो अघिल्तिर कि एउटीको केशबिन्यास् अद्भुत थियो, अफ्रिकीहरु यो कलामा निपुण देखेकोछु। 
ऊ अझै सुन्दर र सौम्य हुँदै थिइ, मेरो कलम झुत्रो कागजमा त्यही सुन्दरताको छेऊछाऊ खोज्दै थियो। 


सुन्दरताको छेऊछाऊ

जतिबेला म तिमीलाई श्रिंगारिंदैं देख्दछु 
मलाई चरी याद आउँछे 
जो सानो खोपिल्टोमा जमेको 
पानीमा सौन्दर्यको सामुद्रिक  चेत् पाएर 
आफुलाई चुच्चादेखी पुछारसम्म
पुछेर, चिल्लो भएर 
सुकिलो हाँगामा गएर बस्छे। 
त्यो चरोपनि याद आउँछ 
जसलाई संसारको एकमात्रै 
सुन्दर बस्तु त्यै हांगोको सेरोफेरो लाग्छ। 
हो, मलाई तिमी सुन्दर हुन पाउनुपर्छ 
भन्नेकुरामा शङ्का छैन।